Усуйаана киин библиотекатыгар Томскай Егор Николаевич – Даҕанча төрөөбүтэ 90 сылыгар аналлаах «Дьоллоох буолуҥ, дьоһун-мааны дьоннорум!» диэн ааттаах кинигэ быыстапката оҥоһулунна.
Томскай Егор Николаевич – Даҕанча Усуйаана улууһун, Тумат нэһилиэгэр 1934 сыл муус устар 27 күнүгэр төрөөбүтэ. Тыыл, педагогическай үлэ, компартия ветерана, кыраайы үөрэтээччи.
1958 с. СГУ гуманитарнай факультетын саха тылын салаатын үөрэнэн бүтэрбитэ. Өр сылларга дойдутугар Хаһааччыйаҕа, онтон Бүлүү Халбаакытын орто оскуолатын директорынан, завуһунан, учууталынан, салгыы РОНО – ҕа методиһынан, «Адыачча» совхозка партком секретарынан, «Усуйаана», «Мастаах» совхозтарга парткабинет сэбиэдиссэйинэн өр сылларга бэриниилээхтик үлэлээбитэ. Пенсияҕа тахсан баран Халбаакытааҕы кыраайы үөрэтэр музейга үлэлээн, бэйэтин кылаатын киллэрсибитэ.
«Халбаакылар улуу кыайыыны уһансыыга» (1994 с., Елена Петровна Ефипановалыын), «Усуйаана историятын страницалара» («Страницы истории Устьянья») (1997 с. Николай Васильевич Томскайдыын), «Тыа учуутала», «Дьоллоох буолун, дьоһун-мааны дьоннорум!», «Уһук Хоту Усуйаанаҕа, хатыҥ мастаах Халбаакыга» диэн кинигэлэрдээх.
Саха Республикатын уонна Россия журналистарын Союһун чилиэнэ, И.И. Николаев аатынан улуустааҕы бириэмийэ бастакы лауреата.
Ааҕааччыларга анаан, Е.Н. Томскай – Даҕанча кинигэлэрин билиһиннэрэбит:
Томскай Е.Н. Тыа учуутала.
Ыраах Хоту дойду ыччата үтүө дьон көмөтүнэн үөрэх сырдык суолун тутуһан учуутал идэтин талан төрөөбүт сирин кэнчээри ыччатын иитиигэ, төрөөбүт сирин сайдыытыгар киллэрбит кылаатын туһунан кэпсиир ахтыылар, түгэннэр.
Страницы истории Устьянья.
В книге собраны материалы по истории Устьянья, рассказывается о людях, внесших в разное время достойный вклад в экономическое и культурное развитие Усть – Янского улуса.
Маны сэргэ, олохтоох ааптар Н.И. Попов – Күндүлүн «Төрөөбүт төрүт түөлбэбит» кинигэтигэр «Талааннаах педагог, кыраайы үөрэтээччи, журналист» диэн ааттаан Томскай Е.Н. – Даҕанча туһунан ахтыыны суруйбутун булан ааҕыахха сөп.
Кинигэлэри ааҕар саалаҕа ааҕыахха сөп.