Кулун тутар 22 күнүгэр оройуоннааҕы киин библиотекаҕа бэлиэ көрсүһүү буолан ааста. Ол курдук биһиэхэ ыалдьыттаатылар: Арассыыйа суруйааччыларын союһун чилиэнэ, РСФСР үөрэҕириитин туйгуна, норуот эмчитэ, биһиги биир дойдулаахпыт Мария Прокопьевна Федотова – Нулгынэт уонна СӨ үөрэҕириитин үтүөлээх үлэһитэ Арассыыйа суруйааччыларын союһун чилиэнэ, Н.К.Крупская, эвен норуотун поэта В.Лебедев аатынан бириэмийэ лауреата Варвара Григорьевна Белолюбская – Аркук.
Бу дьоро киэһэҕэ көхтөөх кыттыыны ыллылар: Культура управлениетын начальнигын солбуйааччыта Матрена Васильевна Голикова, Усуйаана улууһун солбуйааччыта Андрей Егорович Кычкин. Евдокия Семеновна Васильева салайааччылаах Депутатскайдаа5ы о5о искусствотын оскуолатын фольклор салаатын үөрэнээччилэрэ, Россия журналистарын союһун чилиэнэ, Саха Республикатын бэчээтин уонна культууратын туйгуна, Усуйаана улууһун бочуоттаах олохтооҕо Татьяна Афанасьевна Протопопова, «Далбар хотун» ансаамбыл солистката Зинаида Константиновна Барабанская, Людмила Тихоновна Устинова салайааччылаах Депутатскайдаа5ы орто оскуола 4 кылааһын үөрэнээччилэрэ.
Көрсүһүү үрдүк тэрээһиннээхтик буолан ааста. Бары ыалдьыттарга уонна тэрээһини тэрийэргэ күүс-көмө буолбут спонсорбытыгар Максим Андреевич Ивановка улахан махталбытын тиэрдэбит!
