Таҥха кэмэ

Ороһуоспаттан Кириһиэнньэҕэ, ол аата тохсунньу 7 күнүттэн 19 – гар диэри танха күннэрэ буолаллар. Ити кэмҥэ сүллүүкүн иһиллээһин уо.д.а. билгэлээһин ордук сөпкө таайыллар.

Тоҕо бу кэмҥэ өбүгэлэрбит таҥха оонньуулларый? Тымныы оройугар, күн муҥутуур кылгаабыт кэмигэр, кыыл, сүүрэр – көтөр барыта утуйар турукка киирэр. Киһи да этэ – сиинэ эмиэ уларыйар. Итинник турукка киһи өйүн – санаатын түгэҕэр бүгэ сылдьар сэрэйии, таайыы уһуктар. Киһи сэрэнэр, дьаарханар буолар. Дьэ, бу кэмҥэ санааларын бөҕөхсүтэр билгэ оҥостон күүс – күдэх ылаллар.

Сүллүүкүн киирбэтин диэн дьиэҕэ, хотоҥҥо аан айаҕар, түннүк анныгар тымтыгынан кириэс саайаллар, уураллар. Ити кэмҥэ сууйуллубут таҥас таһырдьа ыйаммат. Таҥха кэмигэр оҕолору мээнэ саҥардыбаттар.

Депутатскайдааҕы киин библиотека Таҥха күнүгэр «Таайтарыылаах таҥха» диэн тематическай быыстапканы арыйда.

Бу күннэргэ ааҕааччылар кинигэ быыстапкатыгар В.И. Бочонина «Таайтарыылаах таҥха», А.С. Фёдоров «Төлкө түүллээхтэр, билгэ биттээхтэр»,  Ник. Якутскай «Төлкө», Күн Куйаарыма «Сулус. Оҥоруу. Төлкө», И.И.Каженкин «Түүлү тойоннооһун», И.И. Каженкин – Уйбаан Хааһах «Түүл үөһээ дойду өйө-санаата» уо.д. а көрүөхтэрин, ааҕыахтарын сөп.