Олунньу 13 күнэ Саха Сиригэр Төрөөбүт тыл уонна сурук-бичик күнүн быhыытынан бэлиэтэнэр. Саха Ѳрѳспүүбүлүкэтин бастакы Бэрэсидьиэнэ Михаил Ефимович Николаев «Төрөөбүт тыл уонна сурук-бичик күнүн биллэрэр туhунан» 1294 № Ыйааҕа 1996 сыллаахха олунньу 9 күнүгэр тахсыбыта.
Бу бэлиэ даата маассабай саха алфавитын тѳрүттээбит саха бастакы лингвист-учуонайа, саха тылынан тахсыбыт бастакы учуобунньуктар ааптардара, тѳрѳѳбүт сахатын тылын чинчийиигэ, сайыннарыыга олоҕун анаабыт уопсастыбаннай диэйэтэл Семен Андреевич Новгородов тѳрѳѳбүт күнүгэр сѳп түбэhиннэриллибитэ.
Семен Андреевич Новгородов кылгас да буоллар, олус чаҕылхай олоҕу олорон ааспыта. Учуонай-лингвист, уhулуччулаах сырдатааччы быhыытынан тапталлаах Сахатын Сирэ сайдарыгар тугунан да кэмнэммэт сүдү кылаатын киллэрбитэ ( https://www.sakhaparliament.ru/uopsastiba/14792-olunnu-13-kune-t-r-b-t-tyl-uonna-suruk-bichik-k-ne )
Бу күн ааҕар саалаҕа «Саха тыла – өркөн өйбүт» диэн ааттаах кинигэ быыстапката турда, сахалыы бастакы букубаары оҥорооччу – С.А. Новгородов олоҕун, үлэтин туһунан сырдатылынна. Быыстапка олунньу 18 күнүгэр диэри туруоҕа.
