«ОЛОНХО ДЬЫКТААНА 2022»
Cэтинньи 25-26 күннэригэр РФ Бэрэсидьиэнэ В.В. Путин Ыйааҕынан биллэриллибит РФ норуоттарын култуурунай нэһилиэстибэлэрин Сылын чэрчитинэн, Саха АССР төрүттэммитэ 100 сылынан, Олоҥхо национальнай күнүгэр аналлаах Өрөспүүбүлүкэтээҕи Декада чэрчитинэн ийэ тыл барҕа баайын иҥэриммит олоҥхо тылын-өһүн таба суруйар үөрүйэҕи олохсутар-иҥэрэр, итиэннэ олоҥхо ис хоһоонун нуучча тылынан киэҥ араҥаҕа билиһиннэрэр сыаллаах «Олоҥхо дьыктаана» аахсыйа Усуйаана оройуонугар Кииннэммит бибилэтиэкэтэ иһинэн тэрилиннэ. Дьыктааҥҥа уопсайа улахан дьон кытынна.
Өрөспүүбүлүкэтээҕи дьыктааны тэрийдилэр: Саха Республикатын үөрэҕин уонна наукатын министерствота, Саха Республикатын культураҕа уонна духуобунай сайдыыга министерствота, Саха Өрөспүүбүлүкэтин Национальнай библиотеката, М.К. Аммосов аатынан ХИФУ Олоҥхо научнай-чинчийэр института, Олоҥхо тыйаатыра, Саха Өрөспүүбүлүкэтин Олоҥхо Ассоциацията.
Тэрээһин улахан дьон уонна оскуола саастаах оҕо ортотугар буолла. Бу сырыыга дьыктаан тиэкиһэ Платон Алексеевич Ойуунускай «Дьулуруйар Ньургун Боотур» олоҥхоттон быһа тардыы буолла.
Тэрээһиҥҥэ уопсайа 30 киһи кытынна. Дьыктаан түмүгүнэн туйгун сыаналаах кыттааччылар ахсааннара: 10 киһи. Олоҥхо тылын туйгуннук билэр кыттааччылар дипломунан бэлиэтэннилэр. Бары кыттаачылар туоһу суруктарынан бэлиэтэннилэр.
Махталбытын тиэрдэбит дьыктааны тэрийсэргэ көмөлөспүт бары дьоммутугар!